აზოტის გენერატორი საწარმოს საშუალებას აძლევს, აზოტი ადგილზევე, საკუთარი საჭიროებისამებრ აწარმოოს — ბალონების შეძენისა და ლოგისტიკის გარეშე. აზოტის გამოყენების სფერო კი თანამედროვე მრეწველობაში საკმაოდ ფართოა:
სად გამოიყენება აზოტის გენერატორი
- კვების ინდუსტრია — შეფუთვა მოდიფიცირებულ გარემოში (MAP): აზოტი ჟანგბადს დევნის და პროდუქტს შენახვის ვადას მნიშვნელოვნად უხანგრძლივებს;
- ალკოჰოლური სასმელების წარმოება — დაჟანგვისგან დაცვა ჩამოსხმისა და შენახვისას;
- ღვინის წარმოება — რეზერვუარების აზოტით „დაფარვა“ (blanketing) ღვინის ხარისხს ჟანგბადის ზემოქმედებისგან იცავს;
- ფარმაცია — ინერტული გარემო მგრძნობიარე ნივთიერებების წარმოებisა და შეფუთვისთვის;
- ელექტრონიკისა და ლითონის წარმოება — ლაზერული ჭრა, რჩილვა და თერმული დამუშავება აზოტის გარემოში;
- სამთო-მომპოვებელი მრეწველობა — უსაფრთხოება: აალებადი გარემოს ინერტიზაცია;
- აქროლადი ორგანული ნივთიერებების (VOC) კონტროლი — აზოტი გამოიყენება ორთქლის ინერტიზაციისთვის რეზერვუარებში.
რატომ საკუთარი აზოტის გენერატორი და არა ბალონები
PSA ტექნოლოგიის აზოტის გენერატორი ატმოსფერული ჰაერიდან გამოყოფს აზოტს 95–99.999% სისუფთავით — ზუსტად იმ მოცულობითა და წნევით, რაც თქვენს პროცესს სჭირდება. ბალონებთან შედარებით ეს ნიშნავს: არავითარი ლოგისტიკა და მარაგის ამოწურვის რისკი, სტაბილური თვითღირებულება და ინვესტიციის ამოგება ჩვეულებრივ 1–3 წელიწადში.
დეტალურად ამ თემაზე გვაქვს ცალკე სტატია: 8 კითხვა, რომელსაც პასუხი უნდა გასცეთ აზოტის გენერატორის შეძენამდე.
IESCO-ს გადაწყვეტილებები
ჩვენს ასორტიმენტში წარმოდგენილია აზოტის გენერატორები სხვადასხვა წარმადობისა და სისუფთავის კლასის — შერჩევას, მონტაჟს, გაშვებასა და შემდგომ 24/7 სერვისს ჩვენი გუნდი უზრუნველყოფს.
📞 კონსულტაცია: +995 577 11 20 02 · [email protected]
