ნახშირის კოშკურა

აღწერა

ნახშირის კოშკურა არის დიდი ზომის ხაზური ფილტრი, რომელიც გამოიყენება შეკუმშული ჰაერიდან ორთქლის, სუნისა და ზეთის ნარჩენების მოსაშორებლად. უზრუნველყოფს უმაღლესი ხარისხის სუფთა და უსუნო ჰაერს.. იგი შეიცავს სპეციალურ აქტივირებულ ნახშირს, რომელიც ეფექტურად შთანთქავს:

• ორთქლოვან ქიმიურ ნაერთებს

• არასასურველ სუნს

• ზეთის მოლეკულებს

შედეგად მიიღება სუფთა, მშრალი და უსუნო შეკუმშული ჰაერი.

როგორ მუშაობს ნახშირის კოშკურა?

კოშკურა შეიცავს აქტივირებულ ნახშირს, რომელიც დიდ ზედაპირზე შთანთქავს მავნე ნაწილაკებს და აირებს.

მუშაობის პრინციპი:

1. შეკუმშული ჰაერი გადის ნახშირის ფენაზე.

2. აქტივირებული ნახშირი შთანთქავს ორთქლოვან ნაერთებს და სუნს.

3. სისტემიდან გამოდის გაწმენდილი, სუფთა ჰაერი.

სად დგას ნახშირის კოშკურა შეკუმშული ჰაერის სისტემაში?

ნახშირის კოშკურა მონტაჟდება საშრობისა და ხაზური ფილტრების შემდეგ — აქტიური ნახშირი მუშაობს მხოლოდ მშრალ, მექანიკურად გაწმენდილ ჰაერზე. წინასწარი ფილტრაცია (მინიმუმ 1 მკმ და 0.01 მკმ კოალესცენტური საფეხურები) აუცილებელია, რადგან სითხის სახით შესული ზეთი და წყალი ნახშირის ფორებს ბლოკავს და მისი რესურსი მკვეთრად მცირდება. კოშკურის შემდეგ, როგორც წესი, დგება მტვრის ფილტრი, რომელიც ნახშირის წვრილ ნაწილაკებს აკავებს.

სწორად მომზადებული ჰაერით ნახშირის კოშკურა ზეთის ორთქლის ნარჩენ შემცველობას ISO 8573-1 სტანდარტის 1-ლი კლასის ფარგლებში ინარჩუნებს — ეს არის კვების, ფარმაცევტული, სამედიცინო და ელექტრონული წარმოებების მოთხოვნა, სადაც ჰაერი პროდუქტს უშუალოდ ეხება.

როდის უნდა შეიცვალოს აქტიური ნახშირი?

აქტიური ნახშირის ადსორბციული რესურსი სასრულია და დამოკიდებულია შემავალი ჰაერის ტემპერატურაზე, ტენიანობასა და ზეთის შემცველობაზე: რაც უფრო მაღალია ტემპერატურა, მით უფრო სწრაფად ივსება ნახშირი. მწარმოებლები შევსების შეცვლას რეკომენდაციას უწევენ საექსპლუატაციო საათების მიხედვით ან ზეთის ორთქლის ინდიკატორის სიგნალზე. აიესკოს სერვისგუნდი გეგმური მომსახურების დროს ამოწმებს კოშკურის მდგომარეობას და საჭიროებისას ცვლის შევსებას.

გსურთ მიიღოთ საუკეთესო ხარისხის შეკუმშული ჰაერი?

📞 დაგვიკავშირდით დღესვე: 032 206 01 00
ჩვენ დაგეხმარებით იდეალური ნახშირის კოშკურის შერჩევაში თქვენი წარმოებისთვის!