ჰაერის სისუფთავის კონფიგურატორი (ISO 8573-1)

რა არის ISO 8573-1 და რატომ უნდა გაინტერესებდეთ?

ISO 8573-1 შეკუმშული ჰაერის სისუფთავის საერთაშორისო სტანდარტია. ის ჰაერს სამი პარამეტრით აფასებს — მყარი ნაწილაკები : ტენი : ზეთი — და თითოეულს კლასს ანიჭებს. მაგალითად, „1:4:1″ ნიშნავს: უმაღლესი სისუფთავის ნაწილაკები, ნამის წერტილი +3°C და ზეთი არაუმეტეს 0.01 მგ/მ³. კვების წარმოება, ფარმაცია, შეღებვა, ლაზერული ჭრა, PSA გენერატორები — თითოეულს თავისი კლასი სჭირდება, და არასწორად აწყობილი სისტემა ან პროდუქციას აფუჭებს, ან ფულს წვავს ზედმეტ აღჭურვილობაზე.

„არც მეტი, არც ნაკლები“ — რატომ არის ეს პრინციპი მნიშვნელოვანი

ორი უკიდურესობა გვხვდება ერთნაირად ხშირად: სისტემა, რომელსაც აკლია რგოლი (მაგ. ადსორბერის შემდეგ ხაზური ფილტრი არ დგას და ადსორბენტის მტვერი პროდუქციაში მიდის) — და სისტემა, რომელშიც ზედმეტი ფულია ჩაწყობილი (მაგ. უზეთო კომპრესორი იქ, სადაც ჩვეულებრივი ხრახნული + სწორი ფილტრაცია იმავე კლასს იძლევა განახევრებულ ფასად). ზემოთ კონფიგურატორი სწორედ ამ ბალანსზეა აწყობილი: აირჩიეთ ინდუსტრია ან კლასი — და მიიღეთ ჯაჭვი, სადაც ყველა რგოლი საქმით არის გამართლებული, კონდენსატის ავტომატური მცლელების ზუსტი ადგილების ჩათვლით.

ხშირად დასმული კითხვები

მჭირდება თუ არა უზეთო (oil-free) კომპრესორი?

მხოლოდ მაშინ, თუ თქვენი პროცესი ითხოვს Class 0-ს — ზეთის სრულ გამორიცხვას (სამედიცინო/სუნთქვის ჰაერი, ზოგიერთი ფარმაცევტული პროცესი). ზეთის კლასი 1 (≤0.01 მგ/მ³) მიიღწევა ჩვეულებრივი ხრახნული კომპრესორით და მრავალსაფეხურიანი ფილტრაციით — ეს გაცილებით ეკონომიური გზაა.

რეფრიჟერატორული თუ ადსორბციული გამაშრობელი?

ნამის წერტილი +3°C და ზემოთ — რეფრიჟერატორული სავსებით საკმარისია. −20°C, −40°C ან −70°C — მხოლოდ ადსორბციული, სასურველია რეფრიჟერატორულით წინ, რომ ადსორბენტმა 3-4-ჯერ მეტი იმუშაოს. წარმადობის ზუსტი გათვლისთვის გამოიყენეთ ჩვენი გამაშრობლის შერჩევის კალკულატორი.

საიდან ვიცოდე, რომელი კლასი მჭირდება?

დაიწყეთ ინდუსტრიის პრესეტით ზემოთ კონფიგურატორში — ტიპური მოთხოვნები უკვე ჩაშენებულია. ზუსტი კლასი ხშირად თქვენი დანადგარის (მაგ. ლაზერის, PSA გენერატორის) პასპორტშია მითითებული. ეჭვის შემთხვევაში დაგვიკავშირდით — IESCO-ს ინჟინრები კლასსაც დაგიზუსტებენ და სისტემასაც შეგირჩევენ, უფასოდ.