ამოცანა

ყვარლის მარანში აზოტი ღვინის დაცვისთვის იყო საჭირო — ავზების ბლანკეტინგისთვის, ხაზების გამობერვისა და ღვინის გადატანისთვის. მარნის მასშტაბიდან გამომდინარე, მოხმარება არათანაბარია: რთველისა და ჩამოსხმის პერიოდში მკვეთრად იზრდება, დანარჩენ დროს კი მინიმალურია.

გადაწყვეტა

აზოტის გენერატორი — INMATEC (გერმანია)
ხრახნული კომპრესორი — EKOMAK
ჰაერის ავზი — 1 000 ლ
აზოტის ავზი — 10 000 ლ

რატომ 10 000 ლიტრიანი აზოტის ავზი

ეს პროექტის მთავარი საინჟინრო გადაწყვეტილებაა. დიდი აზოტის რესივერი საშუალებას აძლევს გენერატორს, იმუშაოს თანაბრად და ნელა, პიკური მოხმარება კი ავზიდან დაიფაროს. შედეგად:

გენერატორი ირჩევა საშუალო და არა პიკურ მოხმარებაზე — ანუ უფრო მცირე და იაფი მოდელი კმარა;
ციკლების რაოდენობა მცირდება, ცეოლითის რესურსი იზრდება;
ჩამოსხმის ხაზზე წნევა სტაბილურია მაშინაც, როცა რამდენიმე მომხმარებელი ერთდროულად მუშაობს.

1 000 ლიტრიანი ჰაერის ავზი იმავე ლოგიკით დგას კომპრესორის შემდეგ: ის ასწორებს წნევის რყევებს და გენერატორს სტაბილურ შემავალ ჰაერს აძლევს.

შედეგი

მარანს აქვს საკუთარი აზოტის წყარო მარაგით — რთველის პიკზეც უწყვეტად. ბალონების შეკვეთა, მიღება და შენახვა პროცესიდან საერთოდ ამოვარდა.

დაგეგმეთ თქვენი სისტემა

სწორად შერჩეული ავზი ხშირად უფრო მეტს ზოგავს, ვიდრე უფრო დიდი გენერატორი. გათვლას უფასოდ გავაკეთებთ — იხილეთ აზოტის გენერატორები, შემნახველი ავზები და სერვისი.
📞 032 206 01 00 · ავჭალა 52, თბილისი