ჟანგბადის სისტემა კლინიკაში დღე-ღამის 24 საათი მუშაობს და ყოველი წელი კვალს ტოვებს: ადსორბენტი იღლება, კომპრესორი ცვეთას აგროვებს, ფილტრები ჯერ ეფექტურობას კარგავენ, მერე წნევის ვარდნას ქმნიან. კლინიკა „ფერომედის“ INMATEC-ის ჟანგბადის სადგურმა სწორედ ეს ეტაპი მიაღწია და კლინიკამ სისტემის სრული კაპიტალური შეკეთება IESCO-ს დაგვავალა.
სისტემა სხვა მომწოდებლის დამონტაჟებული იყო. ჩვენთვის ეს არაფერს ცვლის: IESCO-ს სერვისი ნებისმიერი ბრენდის ჟანგბადის გენერატორსა და კომპრესორს ემსახურება.
ამოცანა
სისტემა ქარხნულ პარამეტრებში უნდა დაბრუნებულიყო. არა ერთი კვანძის „ჩაკერებით“, არამედ მთელი ჯაჭვის აღდგენით, კომპრესორიდან ჟანგბადის ავზამდე, ისე, რომ კლინიკის მუშაობა მინიმალურად შეფერხებულიყო.
რა გავაკეთეთ
- ცეოლიტის სრული შეცვლა გენერატორის ადსორბციულ სვეტებში. ცეოლიტი PSA გენერატორის „გულია“: სწორედ ის აკავებს აზოტს და ატარებს ჟანგბადს. დაღლილი ცეოლიტი ჯერ სისუფთავეს აგდებს, მერე წარმადობას.
- EKO 30 ხრახნული კომპრესორის კაპიტალური რემონტი: ხრახნული ბლოკის, საკისრების, შემკუმშველების და ზეთის სისტემის სრული აღდგენა. კომპრესორი სისტემის ერთადერთი მოძრავი ენერგიის წყაროა და მისი მდგომარეობა ყველაფერს განსაზღვრავს.
- ჰაერის გამაშრობლის შეკეთება. მშრალი ჰაერი ცეოლიტისთვის სასიცოცხლოა: ტენი ადსორბენტს შეუქცევადად აფუჭებს. ახალი ცეოლიტი გამართული გამაშრობლის გარეშე რამდენიმე თვეში ისევ დაზიანდებოდა.
- ხაზური ფილტრების შეცვლა მთელ ტრაქტზე, რომ ზეთი, ნაწილაკები და კონდენსატი ვერც ცეოლიტამდე და ვერც პაციენტამდე მიაღწიოს.
- გაშვება, სისუფთავისა და წნევის კონტროლი, სისტემის სრულ რეჯიმზე გადაყვანა.
რატომ სრული და არა ნაწილობრივი
ჟანგბადის სისტემაში კვანძები ერთმანეთზეა დამოკიდებული. მხოლოდ ცეოლიტის შეცვლა გაცვეთილი კომპრესორითა და სუსტი გამაშრობლით ფულის გადაყრაა: ტენი და ზეთი ახალ ადსორბენტსაც სწრაფად მოკლავს. ამიტომ კაპიტალური რემონტი ერთ ციკლში, მთელ ჯაჭვზე გავაკეთეთ. ეს ერთჯერადი ხარჯია, რომელიც სისტემას წლებით უხანგრძლივებს სიცოცხლეს და ახალი გენერატორის ყიდვას გადავადებს.
შედეგი
კლინიკამ მიიღო პრაქტიკულად განახლებული ჟანგბადის სადგური: ახალი ადსორბენტი, კაპიტალურად აღდგენილი კომპრესორი, გამართული ჰაერის მომზადება. სისტემა ქარხნულ პარამეტრებში დაბრუნდა და კლინიკა საკუთარ ჟანგბადზე მუშაობას განაგრძობს.
თქვენი გენერატორი უკვე წლებია მუშაობს?
ვაფასებთ სისტემის მდგომარეობას ადგილზე და გეტყვით, საკმარისია სერვისი თუ დროა კაპიტალური რემონტის. იხილეთ ჟანგბადის გენერატორები, ხრახნული კომპრესორები და სერვისი.
📞 032 206 01 00 · ავჭალა 52, თბილისი
